Vandamál morgundagsins eru vandamál morgundagsins...!

.....

Wed, 05 Apr 2006 17:46:49 GMT

Ég er að fikta við nýja síðu...... www.ingjaldsfiflid.bloggar.is

Reiði reiði og pirringur

Fri, 31 Mar 2006 14:41:06 GMT

Jesús minn. Næst þegar ég skrifa pistill á hann að fjalla um pirrandi og innihaldslaust slúður sem fólk labbar um og ber útum allt.

Ég er að fá flogakast yfir að heyra alltaf fólk ýkjandi söguna um það sem gerðist á Barnum og hvað er búið að gerast sem afleiðing af því. Alveg hreint ótrúlegt það sem maður heyrir yfir axlirnar á sér hérna í skólanum, og samt hef ég oftar en einu sinni snúið mér við og hreinlega leiðrétt fólk því ég er komin með ógeð á því að hlusta á þetta bull....:!:
Og hvað þá fréttirnar sem maður heyrir og sér.... alveg magnað hvað er hægt að ýkja alla þætti sögunnar um einn og þá er hún miklu meira djúsí en áður.

Og DV, það skítablað er nú ekki einu sinni þess virði að tala um! Hálfvitar að setja þessa mynd við frétt sem hún tengist ekki neitt..... :!:

Asnar, alle i hopa................ alle sammen............. hele molevitten........ :^) :evil:

*yfir og út* - Ásta bitra, reiða og þreytta á slúðri um vinnustaðinn sinn...:!:

Blogg!

Fri, 24 Mar 2006 17:52:22 GMT

Ég hef verið að spá soldið mikið síðustu daga, og það er eitt sem sprettur alltaf aftur og aftur upp í kollinum á mér; Hvað er hefur orðið að öllum innblástrunum sem ég fékk alltaf einu sinni og úr því urðu ótal ljóð? Er þetta alveg horfið hjá mér eða?

Ég vona allavega ekki. Vegna þess að því meira sem ég spái í þessu, því hræddari verð ég um að glata hæfileikanum mínum og ég vil það alls ekki. Þannig að núna er kominn tími til að fara að drita niður einhverju sniðugu og umhugsunarverðu á blað. Hvort sem það endar sem ljóð, smásaga, pistill eða bók er ég ánægð, því eftir allt saman finnst mér bara gaman að skrifa.

Ég hef verið að pæla í auglýsingunni sem er alltaf verið að sýna núna, þessari frá Glitni þarna „Velgengni er........“. Ég geri hér með ráð fyrir að allir hafi séð hana, annars skýrist þetta vonandi hjá mér eftir smá.

Alltaf þegar þessi auglýsing birtist hjá mér á skjánum verð ég að brosa. Mér finnst hún bara svo sniðug, þrátt fyrir það að mér gæti ekki verið meira sama um hvað er verið að auglýsa, (ég veit ekki einu sinni almennilega hvað Glitnir er!), þá er hún góð. Hún segir svo margt.

Fyrir mér er velgengni fyrst og fremst hamingjusemi. En hún er líka að ná langt í lífinu, geta stundað áhugamál mín, eignast eigin fjölskyldu og svo framvegis og framvegis. Þessi týpíska klisja. Staðalímynd velgengni. Margir halda að ef maður hefur ekki þessa hluti (eða langi ekki í þá) þá hljóti manni nú að ganga illa í lífinu og maður geti svo sannarlega ekki verið hamingjusamur ef svoleiðis stendur á hjá manni. En er það satt?

Ég efast ekki um það að það er til fullt af fólki, feitu og mjóu sem lifir á kerfinu, vinnur ekki neitt, það kemur enginn og heimsækir það og því líður eflaust bara ágætlega. Kannski finnst því það vera velgengni að liggja heima, gera ekki rassgat og fá svo borgað í hverjum mánuði frá okkur hinum sem vinna og borga skatta. Það getur alveg eins verið velgengni. Af hverju ekki?

Velgengni er svo óskilgreinanlegt hugtak, það er hægt að skilgreina það á jafn marga vegu og við mennirnir erum mörg. Sumum finnst það vera velgengni að vera ríkur. Fyrir öðrum eru það peningar sem eyðileggja líf þeirra. Allt fer þetta eftir því hvernig við erum.

Nú er ég búin að pæla meira í þessu. Eins og segir í auglýsingunni þá getur velgengni verið að eiga litla íbúð eða stóra íbúð, fara í langt ferðalag eða stutt ferðalag, eltingaleikur við að vera betri en aðrir eða bara það að hafa tíma til að slappa af og lesa bók. Það fer nefnilega allt eftir því hvar og hvernig fólki líður vel að hverju sinni í hverri aðstöðu. Það er yfirleitt talin velgengni að vera duglegur í skóla, eiga stórt hús, vera yfirmaður o.s.frv. en ef manni líður ekki vel með það sem maður er að gera, hversu mikil velgegni er það þá að vera í skóla þegar maður vildi frekar ferðast, eiga stórt hús þegar maður vildi mun frekar spara og eiga litla íbúð, eða vera yfirmaður þegar maður vildi allra helst bara fá að vinna sinn vinnudag og spá ekki meira í vinnunni sinni?

Velgengni er vellíðan. Ef manni gengur vel, líður manni vel. En það má deila um, hvað það er að ganga vel, en varla um það hvað það er að líða vel.

Ættum við kannski að hætta að segja „Velgengni hennar er ólýsanleg“ og „Honum gengur svo vel með börnin sín“ og segja; „Vellíðan hennar er ólýsanleg“ Og „Honum líður svo vel með börnunum sínum“ ?

Jæja, þetta var smá pæling! Þetta var samt ekkert pistill til að hrópa húrra fyrir, ég veit, en ég er bara svona að fara að koma mér í gírinn, mig langar svo að fara að skrifa kannski smásögu eða eitthvað :)

*over and out* - Ásta skáld

Daginn daginn....

Mon, 06 Mar 2006 18:38:46 GMT

Það fer að styttast í Opnu dagana, sem er auðvitað hið besta mál, en þá fellur öll venjuleg kennsla niður. Þeir byrja eftir hádegi á miðvikudaginn. Sem er nottla geggjað því þá verður þessi vika svo stutt :D

Ég verð svo að vinna á Barnum um helgina og that includes miðvikudag út af opnu dögunum sem er nottla bara fínt. Vonandi verður góður stemmari bara!

Akkurat núna er ég bara slöpp uppí rúmi, skrópaði smá í skólann og kemst ekki í hesthúsið :( þetta er ekki nógu gott... vonandi fer þetta sem fyrst.

Um helgina fórum við smá út á djammið á föstudeginum. Það var svo sem fínt bara, rólegt og gott....
Síðan var legið í leti og farið í hesthúsið á laugardaginn, og í gær fór Stebbi að vinna í Dögun og ég fór heim og heimsótti mömmu og co. á meðan! Svo lá leiðin bara í hesthúsið eina ferðina enn þar sem við dunduðum okkur lengi og Stebbi fór aftur á hestbak og gekk bara vel :)!
Svo fórum við í heimatilbúið lasagne heim til Stebba! uhhmm......

En ég ætlaði bara að láta aðeins í mér heyrast....... ætla að fara að leggja mig og losna við þennan bölvaða hausverk og magapínu :(

Bara svo þið vitið það.....

Wed, 01 Mar 2006 18:46:16 GMT

........ þá er ég best!! Ég er ekki mennsk og ég er viss um að ég geti sigrað allan heiminn.

Ég fékk 8 í stæ 503.....

búja.....

það var bara þetta sem ég vildi segja :haha: :haha: :haha:

Prófin búin!

Sun, 26 Feb 2006 23:24:26 GMT

Jæja, maður varð nú feginn þegar þessi próf voru búin:!:
Mér gekk bara mjög vel ég öllu, er meira að segja mjög viss á því að hafa náð stæ 503 þó svo ég sér ekki búi að fá einkunnina....... Mér gekk allavega skítsæmilega miðað við hvað þetta er erfitt! :O

Er búin að fá 2 einkunnir eins og er, fékk 10 í efn 203 sem ég var mjög svo ánægð með og svo fékk ég 8 í miðannarmat (það var ekki próf) í þýs 303. Þannig að þetta lítur allavega vel út eins og er!

Ég var annars bara að vinna alla helgina, brjálað að gera í gærkvöldi maður og svo voru einhver slagsmál og eitthvað sem var ekki gaman... :(
Ég er búin að vera hálf slöpp alla helgina en harkaði samt af mér og fór með Stebba og mömmu minni á árshátið hjá grunnskólanum á Skagaströnd þar sem bæði bróðir minn og Calle voru að leika í atriðum :) Það var mjög gaman bara :)
Svo fór ég líka með Stebba og pabba hans á Akureyri snemma á laugardagsmorgninum, því Gunni var að leita sér af nýjum bíl sem hann og fékk. Á þessu líka Bónus-verði, 170.000 fyrir bíl sem sett var 390.000 á ! Maðurinn getur hreinlega smjaðrað alla til ;) hehehe

Þannig að ég er semsagt búin að vera á fullu og kvefið mitt og hálsbólgan hafði ekki gott af því.... er orðin verri ef eitthvað er.... :( Maður lifir þetta nú samt af. Vonandi... :)

Skemmtilegt er svo að segja frá því að núna rétt áðan kom Alli aftur á vistina! :haha: Gaman að fá hann aftur og gott að hann sé orðinn hress!

En ég ætla að kveðja í bili :)

Próf próf próf

Tue, 21 Feb 2006 13:54:07 GMT

Þá eru miðannarprófin byrjuð og ég er búin með 2 af 5 prófum. Búin með efnafr. 203 og eðlisfr. 203 og það er bara búið að ganga vel sko. Annars er það líka bara stæ 503 sem er að hræða mig, jesús hvað þetta er orðið mikið rugl í þessum efstu stærðfræðiáföngum. En þetta hefst vonandi eitthvað rétt yfir 5... þá verð ég sátt!

Ég er að horfa á Veggfóður (nei ég er ekki geðveik ég get bara ekki staðið upp og skipt því þá dettur netið út... ) og ég er búin að komast að því að Geir Ólafs er alvarlega mikill með sig og alvarlega mikið fífl. Langaði bara að deila þessu með ykkur, þetta fer eitthvað svo voðalega í taugarnar mínar!

Ég er byrjuð að browsa og leita aftur á netinu af tattúum. Mig langar í annað tattú.

En heyrðu jú, þá er komið að því sem ég ætlaði að segja í fyrsta lagi! :haha:
Um daginn þegar ég var á leiðinni í hesthúsið var ég næstum búin að fá fyrir hjartað, því haldið þið ekki að sæti kærastinn minn hafi bara boðist til að koma með alveg uppúr þurru?? :) Hann sem hefur aldrei haft áhuga eða vitað neitt um hesta:!: Þetta kom mér nú skemmtilega á óvart og við skelltum okkur saman í hesthúsið og mokuðum og gáfum og svo fórum við með einn þægan klár útí gerði og Stebbi fór smá á bak :) Duglegur ... :haha:
Það sem ennþá skemmtilegra er, er að eftir þetta er hann búinn að fara með mér öll kvöld að gefa og stússast! Honum finnst þetta bara lúmskt gaman held ég :)

En það er víst best að fara að læra, stæ 503 nær sér víst ekki sjálf!

Komiði sæl og blessuð

Fri, 17 Feb 2006 14:33:04 GMT

Það er sko búið að vera mikið að gera hjá mér í vikunni! Svona er þetta, það eru nottla miðannarpróf í næstu viku þannig að það er að vanda verið að henda í manni skyndiprófum og verkefnum alveg á fullu svona á lokasprettinum... ótrúlegt hvernig allir kennarar eru seinir á þessu.
Við Ásdís erum búnar að vera að brillera að gera íslenskuverkefni sem við sko þurftum að taka upp á vídeó og klippa sjálfar og allt maður, ekkert smá vesen! Söss... Samt alveg ágætlega gaman, sérstaklega af því að núna erum við eigilega búnar!

Og svo er nottla önnur ástæða fyrir bloggleysi (ójá, ég hef alltaf afsökun) en hún er sú að ég er farin að fara reglulega í hesthús hérna rétt fyrir utan Sauðárkrók! Það er hann Eiður sem vinnur stundum á Barnum sem gerðist svo elskulegur að veita mér "vinnu" (fyrir mér er þetta nú bara skemmtun sko) hjá sér við að aðstoða við ýmis verk. Ah.... hesthúsið..... himnaríki... Núna er hann svo farinn í Dalina að vinna þannig að ég hef tekið að mér að gefa og fara á bak eins og ég get og hef tíma til :) Úhh... mínns er svo lukkulegur með þetta! :)

Akkurat núna sit ég inná bókasafni í skólanum og er nýbúin að skrifa lengsta samfellda þýska texta sem ég hef nokkurntíman ritað. Mjög fróðlegt.

Um helgina er það víst bara lærdómur kæri lærdómur..... verður mikið að gera og svo er ég líka að vinna á laugardagskvöldið...... pökkuð dagskrá hjá mér...

En já, ég var ekki búin að segja frá því að á laugardaginn síðasta redduðum við Stebbi okkur fríi og skelltum okkur ásamt Sindra á Akureyri og fórum á Sjallann á Skímó sem var sko GEGGJAÐ gaman :haha: :D Við hittum líka Ívar Loga á Ak og hann kom með okkur. Þetta var nokkuð skrautleg ferð :). Mjög gaman af því. Sjallinn er ekkert smá töff staður...... öss.... ég er svo mikið barn... hef aldrei farið á Sjallan áður.......

En það er best að fara að druslast í tíma, síðasta tíman fyrir miðannarpróf....

Ásta *drukknuð í bókum og vísdómi*

Klukk

Fri, 10 Feb 2006 16:12:12 GMT

Undur og stórmerki eru að gerast, ég er farin að blogga eitthvað af viti aftur:!: :O

Það er víst best að ljúka þessu klukki af þar sem bæði Sindri Njalli og Mikka eru búin að klukka mig... Þannig að here goes:

4 störf sem ég hef unnið yfir ævina:
Kjötvinnslan í Búðardal
Bakaríið í Suðurveri í bænum
Sjúkrahúsið á Króknum
Bar-inn á Króknum sem er nottla aðal staðurinn sko!

4 bíómyndir sem ég gæti horft á aftur og aftur:
Bókað mál Sódóma Reykjavík hér í allra fyrsta sæti!
Dalalíf
South Park myndin
The Fog!! (GLÆTAN) Nei, síðasta verður að fá að vera Löggulíf... (ég elska íslenskar myndir)

4 staðir sem ég hef búið á:

Frederikssund í Danmörku!
Borga-hverfi í Reykjavík
Skagaströnd
Borgarnes (auk MARGRA annara góðra staða)

4 sjónvarpsþættir sem eru í uppáhaldi:
South Park
Americas Next Top Model
Desperate Housewifes
Og Threshold er líka að gera það gott þessa dagana

4 staðir sem ég hef heimsótt í fríum:
Ísland (allan hringinn oftar en einu sinni og skoðað vel!)
Grikkland
Grænland
Frakkland

4 heimasíður sem ég skoða daglega:
Heimabankinn
FNV.is
Mín síða
Pósturinn minn

4 máltíðir sem ég held upp á:
Slátur! Ó já!
Hambó!
Humar! Nammi......
Og svo fullt af nammi! (það telst sem máltið!)

4 bækur sem ég les oft:
Hef lesið About A Boy þó nokkrum sinnum
Skólabækurnar mínar, ó ég elska þær.....
Bankabókin mín
Bæklingurinn um brjóstakrabbamein sem ég tók mér um daginn.....
(ok.... ég les bækur við og við.... en hver les þær OFT??)

4 staðir sem ég myndi vilja vera á núna:
Á hestbaki
London að verlsa designer-clothes og skó
Í mansioninu sem ég ætla að eignast þegar ég verð stór og rík
In a candy store!

4 manneskjur sem ég ætla að klukka:
Eydís Ósk
Ásdís Adda
Guðrún Eik
Kristín frænka

Seinni hluti:

Thu, 09 Feb 2006 19:19:48 GMT

Sæl aftur...

Þá er komið að því að segja frá laugardeginum, en merkilegast gerðist auðvitað þá að ég varð 18 ára! :haha:
En allavega, þá vöknuðum við svona nokkuð snemma (því ég var svo spennt að fara að versla og verða stór stelpa þannig að ég píndi Stebba á fætur :) ) og svo skelltum við okkur í kringluna þar sem við vorum að leita okkur að einhverju til að kaupa fyrir gjafakortin okkar. Það gekk frekar brösulega við skoðuðum og skoðuðum og ég mátaði og mátaði en ekkert leist okkur á.
Klukkan þrjú var svo komið að því sem við vorum búin að bíða lengi eftir; við fengum að fara að heimsækja Alla á spítalann:!: Hann og fjölskyldan hans voru rosa ánægð að sjá okkur og það var líka rosa gott að sjá Alla greyið. Hann leit frekar slappur út, en hann er allavega á batavegi. Við spjölluðum soldið, sögðum honum fréttir af Króknum og reyndum að hressa hann aðeins við. Svo þegar hann var orðinn þreyttur ákváðum við bara að fara og leyfa honum að hvíla sig og svona.

Eftir þetta fórum við svo smá rúnt í Smáralindina og þar skoðaði ég líka allt en fann ekki neitt....... Svo borðuðum við á Pizza-hut.... :) namm namm:!:

Um kvöldið ákváðum við að bjalla í Jón Atla sem var líka á bænum að heimsækja Alla, að koma með okkur út aðeins, það væri jú synd ef maður myndi láta þennan dýrindis bar á neðstu hæð hótelsins fara til spillis!;)
Þannig að við lögðum af stað að sækja Atla heim til bróður hans. Það gekk frekar MIKIÐ brösulega og við vorum svona klukkutíma eða meira að finna þetta guðsblessaða hús! En þetta gekk allt saman á endanum og við sóttum Atla. Á leiðinni til baka hélt ég svo að allt vesen og hætta væri yfirstaðin, en NEI NEI haldiði að Ástu hafi ekki tekist, alveg eins meistaralega og það getur gerst, að aka inn í einstefnugötu VITLAUSU MEGIN??
Þarna var ég föst, á milli bíla á einhvern undarlegan hátt þannig að allir hinir þurftu að taka sig til og bakka og vesenast til að ég gæti snúið við.......... :$ Sem var frekar mikið ofur-vandræðalegt:!::!:

Eftir þetta óheppilega atvik komumst við þó lifandi á hótelið og skelltum okkur á barinn. Þar var fengið sér öl og spjallað og horft á TV, þetta er sko geggjað fansí staður!
Eftir það ákváðum við að fara í keiluhöllina og fara í pool eða keilu eða þythokkí eða eitthvað............... Við vorum þarna í kannski klukkutíma eða svo og það lengsta sem við komumst var ....... dadadadamm... : Á BARINN! :haha:

Eftir að keiluhöllin lokaði fórum við svo aðeins aftur niðrá hótel og svo var planið að skella sér í miðju sódómaborgar.

Á meðan við biðum eftir Taxa ákvað snillinn hann Atli að það væri best að fara að ögra einhverjum greyið indverskum pítsusendli sem var að labba út af hótelinu. Atli byrjar að elta hann og þá snýr gæjinn sér við og segir með þessum líka agalega, hræðilega, ógeðs-fyndna indverska hreim: “hva æddlar dú ad gera?? Æddlar dú ad berja mig?” Og þarna stóðum við, drukknu aumingja unglingarnir í þessu líka hlátursKASTI í svona 10 mín.... :):!:

En jú svo var víst kíkt eitthvað niðrí bæ, ég hef nú fátt gott um þá ferð að segja nema bara að ég hitti hana Evu Lind sem ég hef ekki hitt í langan langan tíma. Annars var þetta bara frekar ömó, og ég tel mig hafa lært þá mikilvægu lexíu á afmælisdaginn minn að maður á ekki að djamma í miðbæ Reykjavíkur þegar maður getur farið á sveitaball eða pöbb! Punktur og pasta!

Á sunnudeginum vöknuðum við svo frekar úldin og skelltum okkur í skírn hjá Litla þeirra Kristínar og Tryggva, en hann hlaut nafnið Valur Snær. Við vorum frekar sein á því, en náðum þessu akkurat á réttum tíma samt, alveg mínútu áður en nafnið var sagt ;)

Svo fórum við aftur í bæinn og ætluðum að kíkja á Alla. En þá fengum við þær fréttir að hann var víst búinn að versna eitthvað greyið strákurinn. Hann verður bara að fá sinn tíma til að jafna sig, það þýðir ekkert annað.

Á mánudeginum fórum við svo aftur í búðir en þar gaf Stebbi mér tvö geggjað flott leður-stígvél í afmælisgjöf :) Frá mömmu og co. var ég búin að fá sléttujárn og frá pabba og Björk og Arndísi fékk ég tvenna rosa flotta götuskó, eina aðeins fínni en hina og Nikita-peysu og svo valdi Arndís handa mér Spiderman-dót :D rosa sætt :)
Svo hittumst við Björk og Arndís aðeins, kíktum smá í búðir og fengum okkur ís og svona.

Eftir það var svo brunað heim á Krókinn eftir langa og góða ferð:!: :D

Nú er þá sagan öll........ og ég kveð að sinni....:!:

Ja hérna! :O

Tue, 07 Feb 2006 12:24:04 GMT

Nú hef ég sögu að segja.

En fyrst vil ég samt þakka afmæliskveðjurnar sem þið skrifuðuð við bloggið hérna fyrir neðan :) Alltaf gaman að fá þannig!

Á fimmtudaginn endaði ég með Stebba og fleirum á einhverju rugl djammi, sem var samt ekkert mikið djamm en það voru samt allir fremur fullir.... það var skrýtið kvöld og ég var svo þunn daginn eftir að þegar ég var vöknuð til að fara í skólann, búin að klæða mig og allt, þá sá ég hreinlega fram á það að meika það ekki að labba upp brekkuna að skólanum, þannig að ég lagðist upp í rúm aftur eins og algjör aumingi og svaf og svaf til klukkan 4! 8| Fín leið til að eyða síðasta deginum sem maður er 17 ára. Mér finnst það allavega ;)

Svo um kvöldið, langri sturtu og miklum svefni síðar, þá tókum við þá ákvörðun að afmælisdeginum mínum skyldi eytt í Sódóma-borginni og til að kóróna það allt; á hóteli:!:
Á leiðinni suður lenti ég í undarlegri lífsreynslu.................. Þegar við stoppuðum í Staðarskála til að pissa var kona að þrífa klósettin niðri. OK, ekkert merkilegt við það nema að hún talaði kannski óþarflega mikið við sjálfa sig......Þegar ég kom út af klósettinu og fór að þvo mér um hendurnar, horfir kjélla á mig og segir: "þú hlýtur að vera íslensk!" "já,...." sagði ég...... "Hérna fáðu þér bréf til að þurrka puttana!" Segir kjélla og hendir í mig bréfbunka. "Það þýðir ekkert að vera að nota þessa blásara!" Allt í fína, hugsaði ég og hélt áfram að þvo mér um hendurnar....... Næsta sem ég vissi var svo það að ég lít aftur fyrir mig og viti menn; Þar liggur kjélla, fyrir aftan mig á fjórum fótum og er að þurrka buxnaskálmina mína með tusku.......... 8| :!: Þá hafði ég víst nuddast eitthvað utan í bílinn minn og buxurnar mínar voru drullugar ......... stendur svo kjélla upp og tautar: “já það minnsta sem maður getur gert er nú að þurrka! Þurrka.....” Eftir það labbaði hún út og ég líka...... frekar freaked out............ þetta var virkilega furðulegt!

En seint um kvöld vorum við svo komin á hótelið! :haha: vei vei vei! :D Þar tókum við bæði okkur smá tíma til að fá frík yfir því hvað allt var fínt og tæknilegt þarna. Landsbyggðarbörnin að fá útrás. Þarna var spes vél til að pressa bissness-manna-buxur, hægt að kaupa allar nýjustu vídeómyndir í gegnum sjónvarpið og svo var hægt að hringja á room-service eins og í bíómyndunum :D Einnig var bar og sundlaug og fleira niðri sem freistandi var að skoða.. :)

En nú ætla ég að hætta (tíminn sem ég er í er búinn.....), fyrsti hluti helgarinnar er kominn, framhald kemur seinna (í næsta tilgangslausa tíma ;) ) ! :haha:

Let's see...

Thu, 02 Feb 2006 12:12:59 GMT

Halló halló.... :!:

Shíí........ afmælishelgin mín er officially gengin í garð! (já ég veit það er bara fimmtudagur en ég er í svo miklu stuði!) Er að íhuga að kíkja út með honum Stefáni ástinni minni í kvöld, fá okkur öl og spila kannski smá pool, hafa kósí bara. Það verður örugglega gaman :)

Annars er ég bara í tíma núna... alltaf gott að blogga í tíma... ;)
Vá hvað ég snappaði út í íslenskukennarann minn í gær..... úff.... ég bara meika þessa tíma ekki........ þeir eru svo óskipulagðir og tilgangslausir að allar límingar in my body eru að fara til fjandans. Heimska drasl....

Shíí.... ég bara GET ekki ákveðið nákvæmlega hvað ég vil gera við afmælishelgina mína.... Það verður tekin einhver drastísk ákvörðun um það í kvöld.... sjáum hvað setur.

Ég fór á ströndina í gærkvöldi... ákvað að fara í heimsókn til mommsu og co. Það var mjög kósí :) Fékk alveg risa afmælispakka frá þeim sem ég tók með mér hingað og ji minn hvað það er freistandi að opna hann ;) En það verður að bíða... verð að hafa hemil á mér! :D

Svo talaði ég við systur mína í símann um daginn, og hún er sko alveg búin að ákveða hvað hún vill gefa mér í afmælisgjöf! Ég á að fá Spiderman og Bratz-dúkku. Punktur og það mátti ekki rökræða um það! :) hehe krútt......

En hei... ég er meira að segja búin að fá einn afmælispakka! :haha: Ísak Dagur var svo spenntur að gefa mér gjöf að hann fékk að gefa mér eina ekki í gær heldur hinn. Fékk ilmvatn frá honum sem er rosa gott :)

Ég er hrædd við að verða stór... :S :$ Þá þarf ég að hugsa um peninga mál og svona. Tók hræðslu mína út á mömmu í gær en hún róaði mig og sagði að maður á ekki að skammast sín fyrir að biðja um hjálp, og ég er að spá í að hafa það bara nýja móttóið mitt þar sem ég er oft mjög ósjálfbjarga! :haha:

En ég held að þetta sé komið nóg í bili....... búin að vera dugleg að blogga :D :P

*out*

Plee....

Tue, 24 Jan 2006 21:49:46 GMT

Ég er ofurlatur bloggari.... ég hef samt afsökun eins og alltaf en netið er ekki enn komið í tölvuna mína þrátt fyrir að ég hafi farið með hana uppí skóla og allt það vesen til að láta plögga þetta.... það einfaldlega bara vill ekki virka... heimska fólk í skólanum getur aldrei gert neitt rétt!
En þessvegna hef ég ekki mikið nennt að blogga því besti tíminn til þess er jú auðvitað í kennslustundum þegar maður er með tölvuna sína og nennir ekki að fylgjast með ;)

En en en.... hið langþráða bústaðarpartí var haldið hátíðlegt um helgina og það var bara skrambi fínt... MIKIÐ MIKIÐ af fólki og svona og mikið mikið drukkið, held meira segja að ég hafi aldrei upplifað að sjá svona mikið áfengi í einu á svona litlum stað og hef aldrei áður verið orðin svona drukkin fyrir miðnætti..... (til gamans má geta að þessi svokallaði bústaður var more like..... pínulítill kamar...).... Stebbi tók eitthvað af myndum á föstudeginum sem væri vel hægt að plögga á myndasíðuna mína þegar netinu verður reddað....

Á morgun er svo skautaferð með skólanum og það ætlar víst slatti af fólki að fara :) það verður örugglega stuð! Stebbi ætlar líka að koma með, hann er kominn með æði fyrir skautum eftir að við fórum með foreldrum mínum og litla brósa á skauta um jólin sem var mjög gaman :)

Svo á að skíra litla þeirra Kristínar og Tryggva þann 5. feb. ........ og ég sem var búin að áætla ofur-afmælisveislu á laugardeginum þann 4... :S Það verður eitthvað að skoða þetta mál :)

Jæja jæja... ég veit ekki hvað á að segja meira í bili..... þannig að ég er hætt...

*out*

Ps. það er víst best að skella nýjasta æðinu inn, alltaf gaman að vita hvað fólk hefur að segja um mann... :

1. Hver ert þú?

2. Erum við vinir?

3. Hvenær hittumst við fyrst og hvernig?

4. Ertu hrifinn af mér?

5. Langar þig að kyssa mig?

6. Láttu mig hafa gælunafn og útskýrðu afhverju þú valdir það.

7. Lýstu mér í einu orði.

8. Hvernig leist þér á mig þegar þú sást mig fyrst?

9. Lýst þér ennþá þannig á mig?

10. Hvað minnir þig á mig?

11. Ef þú gætir gefið mér eitthvað hvað myndi það vera?

12. Hversu vel þekkiru mig?

13. Hvenær sástu mig síðast?

14. Hefur þig einhvern tíman langað til að segja mér eitthvað en ekki getað það?

15. Ætlaru að setja þetta á bloggið þitt svo ég geti skrifað um þig?

Well well...!

Fri, 06 Jan 2006 21:44:16 GMT

Já ómægad segi ég bara, það er svo langt síðan ég hef bloggað..... enda búið að vera mikið mikið mikið skemmtilegra að gera en að blogga í jólafríinu. En nú er skólinn tekinn við aftur og þá á maður það til að finna sér alltaf tíma fyrir blogg ;) Allavega þegar maður á að vera að læra.....

En well well...... ég var víst að vinna í bakaríinu hérna á króknum fyrir jól..... það var bara mjög næs.... Svo var nottla alltaf verið að stússast við að kaupa jólagjafir svona við og við en síðasta sunnudaginn fyrir jól (minnir mig) var tekin ofur-ferð á AK. til að versla pakka og þar misstum við Stefán okkur í gjafmildinni, við keyptum og keyptum og auðvitað líka smá handa okkur sjálfum fyrir að vera svona dugleg :) Þar var klárað að kaupa alla pakka...! Sem var léttir! Og þetta var geggjað skemmtileg ferð :D

Eftir langa bið eignaðist ég svo lítinn frænda þann 22. des, en það var hún Kristín besta frænka, vinkona og "systir" og Tryggvi sem áttu alveg yndislega krúttlegan dreng :) Ég nottla stóðst ekki mátið og brunaði frá Krók og á Akranes sama dag til að fá að sjá! :haha: Svo mikil dúlla..... Og já, hann á að heita Ástráður :) hehehe neeeei.... grín.....

Aðfangadagskvöld var haldið hátíðlegt heima hjá mömmu minni og Stebbi var hjá okkur sem var auðvitað yndislegt :) Það var voða kósí, bara við 5 að opna pakka og borða og svona.... ég fékk fullt af fínum gjöfum :) Nenni ekki að telja allt upp, en fékk nokkur gjafakort sem munu pottþétt koma að góðum notum hjá mér og svo snjóbretti og síma frá Stebba :) Vívíví..... allt of stór gjöf fyrir svona litla manneskju! ;) Neee... ég er geggjað ánægð með allt sem ég fékk, vill bara nota tækifærið og þakka öllum fyrir mig :D

Á jóladag fórum við svo heim til Ingu ömmu í Borgarnes og þar var Stebba kennt að spila púkk! Það var auðvitað gaman þar eins og alltaf! :)

Annan í jólum vorum við svo komin heim á Krók og vorum hjá Röggu og Viktori um kvöldið og fórum í eye-toy sem er algjör snilld! Ég var að deyja úr strengjum í marga daga á eftir...... :S (ég er svo mikið hreystimenni eða ekki....)

Þann 27. des áttum við Stebbi svo 1 árs afmæli :haha: víví!! :) Dagurinn var bara tekinn með ró og kósí-heitum.....

svo var farið eitthvað á skagaströnd næstu daga...... nenni ekki að skrifa allt í details ...... þann 30. des var djammað og djammað og djammað svo mikið að ég varð þunn... (ég verð sjaldan þunn) og um áramótin var borðað humar og kalkún (nammi namm :haha:) hjá Röggu og svo var unnið um kvöldið sem var fínt bara..... nema að ég var þunn... hehe...

Síðustu dagar hafa svo bara verið nýttir til að slappa af og spila tölvuleiki og éta...... það er fínt eftir allt jólastressið, finnst ég alveg eiga það skilið!

Núna erum við Stefán svo byrjuð í skólanum og komin á vistina....:!: Ég er með geggjað þægilega og góða stundaskrá og mér finnst bara gaman að vera að byrja aftur í skólanum! Og já... eftir miklar pælingar ákvað ég að njóta bara lífsins og henda helvítis áætluninni minni um að útskrifast eftir ár og fresta því um eina önn til þess að geta kannski átt mér smá líf með skólanum..... after all.... whats the hurry??

Slaka á og lífa lífinu og spila need for speed er því mottó mitt þessa dagana..... ;)

Bæó....

Ps.....: Ég er komin á átjánda ár og það er minna en mánuður þar til ég á afmæli! :D vívíví jíbbí!! :D

Jólafrí!

Fri, 16 Dec 2005 22:31:08 GMT

Jæja sælt veri fólkið, það er langt síðan maður hefur látið heyra í sér.

Ástæðan fyrir því er sú að ég er búin að vera á fullu í prófum og nóg að gera! En nú er maður sem betur fer búinn.... prófin gengu svona upp og niður, það er bara að bíða og sjá þar til á þriðjudaginn hvernig manni gekk.

Núna er ég að vinna eitthvað smá í bakaríinu hérna á Krókinum, það er fínt... gott að fá smá auka pening svona áður en skólinn byrjar á ný.

Á morgun förum við Stebbi í jólaklippinguna:!: Ég hlakka til........... mig langar að gera eitthvað kreisí við hárið mitt en ég þori því samt eigilega ekki!

Annars er það í fréttum að ég er búin að eignast nýja ps2 leikinn, Need for Speed most wanted, og hann er geggjað svalur! Hann á hug minn og hjarta eins og er.... búin að bíða lengi eftir að þessi leikur kæmi eftir að hafa klárað NFS underground 2 á örstuttum tíma:!: Góðir leikir þarna á ferð....

En ég veit ekki hvað ég á að segja meira..... það er gott að vera loksins komin í jólafrí...... :)

*out*